English
美孚。沖繩。喜樂祭
從前有一個村姑,(我呀),
因為我住係香港美孚新村好多年。
所以，我亦係＜美孚人＞，
15年前，生左1個仔，個名叫＜灃灃＞
於是，
由15年前開始，我個名字，變左＜灃媽＞，
由於，種種原因，
15年裏面，我和灃灃相依為命生活，
灃媽今年52歲啦，
土生土長的香港人。
灃媽的職業是國際買手(Global Sourcing)
已經做左30年啦。
由第一檯真正日本製造的Fujitsu手提電腦、
掌上電腦3com.Palm(iphone)的初身.
到Microsoft. Intel.CPU.RAM.HARDDISK….
食品.飲品.男女服裝………….
到幫SOGO祟光百貨入貨日本Miki House.
引入大大小小不同品牌由世界各地到香港，
或是引進到其他國家。
究竟國際買手(Global Sourcing)係做Ｄ咩架？
主要係去世界各地找尋生產源頭
(檢驗清楚生產地和實際生產情況)
就係宜家新聞成日講的防止＜洗產地＞
我的工作就係要將果Ｄ洗產地生產商勾起，
保護真正努力生產的當地農夫、漁夫和生產加工的工人。
再配對適合的買家。
繼而發展不同品牌。
［洗產地］是甚麼呢？
即係果Ｄ原材料根本不是由當地農夫或漁民生產和採集
而是由其他地方進口，
再在當地加工扮作當地國家生產。
咁洗產地有甚麼問題呢？
洗產地就是會強逼當地辛勤工作的農夫
和其他國家進口的劣質原材料大戰。
結果，
本地農夫可能會為左壓低成本，
而採用大量化學農藥、化學增生劑…..
又或者好多本地農夫會選擇退出,不再耕作。
最後，
受害的其實是我們消費者(即係你和我)。
因為到最後只可以選擇劣食。
灃灃是患有G6PD葡萄糖六磷酸去氫酵素缺乏症，
又名G6PD缺乏症，俗稱<蠶豆症>，
是一種遺傳性代謝缺陷，
容易引發紅血球爆裂出現溶血反應的病。
所以，
灃灃只可以進食或選購無添加化學成分的食物或用品。
哈哈!
個天安排我的３０幾年採購經驗原來係為左我個仔。
講咁多咸豐年歷史做咩呢？
原因係上個月灃媽和灃灃
去左沖繩和沖繩政府開會
再去實地檢查十多個供應商。
(原來拉呢一條Banner要向日本沖繩政府申請，
甚麼人、背景、用途、由沖繩政府批淮
才可以借比我地和批准係機場範圍影相。)
點解人人話日本沖繩是<長壽村>,
灃媽研究左點解日本沖繩人咁長壽呢？
原來，
長壽的主要原因是「快樂」
日本沖繩的人民十分快樂
日本沖繩的快樂源自天然和原始初心
日本沖繩有豐富原始大自然的資源
而且，
日本沖繩政府保育法律監管非常嚴格。
擁抱無被污染的大海.呼吸清新的空氣.
無限充足的陽光.天然肥沃的土地。
所以，
農作物和海產生長得非常健康豐富。
今次去沖繩工作真的非常順利,
尤其是搵到好多真真正正
由沖繩種植到加工和包裝程序.
真真正正一條龍在日本沖繩製造產品。
今次行程目的是為了歐洲顧客尋找優質食材。
在開會過程中,
灃媽心諗:
可唔可以比香港做一個月,全球獨家限定再出口歐洲呢？
結果，不斷視像或尋找不同的香港批發商朋友。
餐廳。超級市埸。百貨公司。
結果，
係比人狂小。狂鬧。問我係唔係<屎忽痕>.
宜家香港經濟咁差，個個人北上消費，人人不過夜。
你仲咁白痴。貼錢。傻左呀。
真心喊左好多好多次。
不過，灃媽係痴線架。
就係咁，你地唔行,我行囉.
我相信天父會保守我呢個傻瓜。
哈..哈..哈!!
就係咁。。我用左極度痴線的唇舌，
搵到睇住灃灃大的(昌哥廚房)-昌師傅、
仲有(Wolf Den Cafe)-Mo、
(甜品森林)-Wylie。
相信佢地都無我咁好氣.
隆重介紹。
一個美孚人村姑-灃媽。
獨力一個人建立左一個活動。
<美孚。沖繩喜樂祭>
希望大家搵返<美孚人>的1分鐘快樂。
灃媽會不斷帶一些未被發現的日本沖繩優質食材。
在美孚獨家發售。
賣完就無架啦。
哈.哈.哈.
夠唔夠癲呢。
好啦。。。
<美孚。沖繩喜樂祭>
活動日期:5月17日至6月8曰
(活動一)
於美孚新村
港式粵炒小菜店-昌哥廚房
意日咖啡館-Wolf Den Cafe 狼穴咖啡廳
健康糖水店-甜品森林
不定時有不同日本菜式供應，
不定時有不同日本限量產品。
得閒走入去問下啦。
(活動二)
灃媽和日本名牌微型裝置公司Rement 合做
<盲抽日本Rement絕版-超迷理日本三餸飯。>
絕版限量。全港獨家。
<壽司><蛋包飯><日本串燒><鰻魚飯>。。。。
凡於指定日期消費滿100元,
可以以$38元換購原價$58元的
日本Rement絕版-超迷理日本三餸飯乙盒。
數量有限售完即止。
(活動三)
今次活動灃媽希望試驗一下。
由於,
農藥和重金屬
係導至好多無法醫治的疾病凶手之一。
灃媽做左買手30年，
每次做國際SGS檢測最普遍農藥起碼有481種。
如果把這些農藥食入身體。
會影響好多器官
會影響小朋友身體和腦部智力發育。
灃媽希望推廣<人人有智慧地選擇優質食材>活動。
希望到我離開世界,
返天家前一分鐘仍然記得灃灃。
(因為認知障礙已經年輕化)
今個星期，
日本運左小量
日本JAS有機認證的小松菜、有機蕃茄、有機薑….
鳴謝
多謝日本沖繩政府協助
多謝鯊魚社長協助。
香檸檬園園主協助。
多謝水雲。海葡萄社長。
無添加MOZUKU水雲護膚品社長。
日本沖繩最大的草本農場。
仲有，從未曝光的日本水魚培植場。
好啦!
介紹下３間參加的餐廳比你地認識下啦。
昌師傅精通日本菜、粵菜、西餐。
灃媽。灃灃
去到＜昌哥廚房>就叫廚師發辦。
真係灃灃由細食到大。
比Ｄ我地食過
昌師傅的「撚手小菜」你地睇下啦!
瀨尿蝦膠手打成蝦拌攘入瀨尿蝦殼
薑蔥荽茜煎魚湯
秒製客家咸雞
晚晚足料老火湯
洋蔥白汁燒青口
黃金石斑球
上湯粉絲煮蜆
最經典係厚切豬潤上湯米粉加港式奶茶。
每次返香港必食。
BB灃灃由細食到大。
美孚-隱世廚房
香港荔枝角美孚新村一期百老匯街9-11號
電話: 2741 6537
另一間，灃媽推介餐廳。
Wolf Den Cafe 狼穴咖啡館
又係灃灃由細食到大。
灃灃最鐘意食唐揚炸雞。
每日係美孚網球場打完波
必定去Wolf Den 狼穴咖啡屋食下午茶。
灃媽差不多日日都去食早餐飲咖啡架。
又係日日Omakase。廚師發辦。
分享下Ｄ美食比你地睇下啦。
Wolf Den Cafe 狼穴咖啡館
是Dog Friendly 狗狗友善餐廳
經常見到一個個毛孩
係門外拍門等麵包食。
美孚隱世咖啡屋
Wolf Den Cafe 狼穴咖啡館
地址: 香港美孚新村百老匯街1號
電話: 3102 9628
最後一間，
灃媽想推介的美孚隱世餐廳。
<甜品森林>
甜品森林, 其實不止供應甜食。
主要照顧著重健康的街坊.
老闆嚴格管控，
只採用優質天然的食材。
最特別是提供不同餐單給素食的顧客，
有素湯、清熱消暑的清涼茶、養顏調理身體的花茶。
自由選擇的意粉
自己話事的意粉，想要有肉、無肉。
有菜、無菜。
由你自己話事
甜品森林
地址: 香港美孚恒柏街６號
電話: 69795156
最後灃媽介紹
今個星期飛機空運由沖繩到香港
首次曝光產品.
數量有限。售完即止
灃媽希望身體力行。
可能我小小的資金和卑微的力量。
雖然，
做不了甚麼!
但是,
我仍然好想為這個我們熱愛的鄉下，
打打氣.
當每一個人都在自己擁有能力範圍內，
加油 !
一定搵到出路架.
願天父祝福大家。
歡迎加入瘋媽 Facebook
瘋嗎-灃灃。灃媽
http://www.facebook.com/hongkongfungma
Instagram : fungfung.mama
Threads : fungfung.mama
